مواضيع مهمة

عالم ربات البيوت المتميزات
بتاريخ : السبت، 8 نوفمبر 2014

مقادير الفطير روعة وسريع التحضير



لتحضير الفطير روعة وسريع التحضير




المقادير


نص كيلو دقيق ابيض
ذرة ملح
معلقتين سكر
كوب ماء للعجن(ممكن ماناخدهوش كله على حسب العجينه)

وسمنه طبعا (فلاحى .زبده. عاديه .او ممكن زيت كمان ) على حسب اللى موجود عندك
وكله ماشى
بس كدا سهل وبسيط
الطريقه 
نضيف الدقيق والسكر والملح ونبدأ نعجن بشويه مايه ولو عايزة نزود كان
لغايه ما العجينه تلم معاكى افضلى اعجنى فيها وكل مرة بلى راحة ايدك كدا بشويه مايه
واعجنى تانى والدقيق هيشرب المايه طول ما انتى بتعجنى
بس مش كتير مرتين تلاته كدا 
كل ما فترة عجينك تزيد هيكول اجمل واجمل
يعنى 10 دقايق تقريبا وبتختبرى العجينه(اسحبيها لفوق )
لو بتقطع كملى عجن لو بتمط يبقى تمااام اووى




نقسم العجينه على حسب الحجم اللى انتى عايزاه
انا قسمتها 3 كور


وسيبتها ترتاح حوالى ساعه فى نص كوب زيت
بعد الساعه ما تعدى والعجين يريح كويس
ابتدى ادهنى رخامتك او ترابيزتك زيت وافردى براحة

العجينه مطاوعه جدااا وطريه وسهله الفرد
كماااااااااااااان

افردى لغايه ما العجينه تلاقيها بتشف اللى تحتها كدا

بتكونى مسيحه السمنه بتاعتك
وتبداى ترشى السمنه على العجينه المفرودة دى كلها
الخطوة دى ماعرفتش اصورها ايدى كانت فيها سمنه
وانا بصور لواحدى
ترشى السمنه وتوزعيها كويس (ترشى مش تكبى)
علشان ماتبقاش مليانه سمنه وتتعب المعدة
وتبداى تثنيها زى الظرف من الاربع اجناب وتثنيها تانى لغايه ماتوصلى
لشكل الكرة زى الاول


وتحطيها فى صنيه الفرن وتبدا تفرديها حسب حجم الصنيه
وتراعى انك مش تفرديها خالص وتبقى رقيقة علشان ماتنشفش منك
لاء لازم تكون برضو مش رقيقة اوى 

ويكون الفرن مسخن من قبل كدا وتدخليها على على طوول 

بث مباشر من فرن البوتجاز
وشايفين ماشاء الله عاليه ازاى وده سر نجاحها لانها بكدا ابتدت تعمل طبقات وتورق


ولما طلعت من الفرن ماشاء الله

احفظيها فى كيس على طول علشان تحافظ على طراوتها
شايفين الطبقات خفيفة ورقيقة ازااى


صورة موضحة الطبقات كمان



رشى عليها وهى سخنه سكر بودرة لو بتحبيها مسكرة
او جوز هند وزبيب لو تحبى وقدميها





وفى النهايه ارجو من الله الافاده لكم اخواتى

التعليقات

صوت وصورة

copyright © 2016 جميع الحقوق محفوظة لـ عالم ربات البيوت المتميزات