مواضيع مهمة

عالم ربات البيوت المتميزات
بتاريخ : الثلاثاء، 28 مارس 2017

وصفة طبيعية مجربو للحد من الصلع الأمامي والثعلبة وتساقط الشعر



وصفة طبيعية مجربو للحد من الصلع الأمامي والثعلبة وتساقط الشعر

بسم الله الرحمن الرحيم
السلام عليكم ورحمة الله وبركاتة
سمحولي على هد الغيبة ولكن راني كنت كنقلب على شي وصفة ديال الشعر لي كنبت الشعر من لقدام والحمد الله ليتها وجربتها لختي وتبارك الله شعرها ولا نابت من القدام ومن الجدر
بلا ما نطول عليكم عندي واحد ختي كانت كتعاني من صلع جراء الترطيبة كانت واحد النهار دارت اكخول وخلاتها ملي جات تغسل هبطات شعرها كامل ومع ا لوقت ولات كتبنليها الصلعة وشعرها تحسكليها من القام ولا بحال gazo
المهم مسكينة ضطرات دير الفولار حيت شعرها تشوه أنا صراحة ماخليت علها جهد لا من دوا طبيب لا من دا العرب بحالي الجلدة ماتت ليها ومرضات لينا وتأزمات الله ينجيكم 
حتى طحت ليها على واحد الوصفة خطيرة والله يكثر خير واحد الحاجة تلاقيتها عندواحد العشاب صراحة خبيرة هادشي ديال دوا العرب وعطاتني بزاف ديال الوصفات من بعد ونكتبهم ليكم
نبقاو فموضوعنا هد الوصفة دارتها دابا شهر أنا كنت كنتسنا غي تبالي نتيجة ونجي نبشركم يها
الوصفة عبارة على 
شوك القنفود تاخدي قيمة 10 دراهم تدخليها الفران حتى تحمر وتفحم وديريها فالمهراز وغربليها تولي بودر
زيت الخرواع
زيت الثومة 
شدي الزيوت وسخنيهم وزيدي فوق منهم البودر
وخليها حتي تصفى يبقا البودر لتحت والزيت ل فوق وبقاي دهني بيها شعرك وبلاصت الصلعة قي تحكيها بزيت باش دخل الزيت مزيان
وآخر الأسبوع ملي تبغي تمشي لحمام خودي ا لزيت مع البودر وديريها فالمقلة سخنيها وشقي بيها شعرك مزيان وباتي بيها حتى الصباح وسيري الحمام
جربوها شهر وردو علي لخبار
راه ليها منفعة كثيرة كعالج الجلدة 
ماتبخلوش علي بدعواتكم
في أمان الله



التعليقات

صوت وصورة

copyright © 2016 جميع الحقوق محفوظة لـ عالم ربات البيوت المتميزات