مواضيع مهمة

عالم ربات البيوت المتميزات
بتاريخ : الخميس، 23 مارس 2017

وصفة طبيعية فعالة لتطويل الشعر وتكثيفه من أول استعمال



وصفة طبيعية فعالة لتطويل الشعر وتكثيفه من أول استعمال

لسلام لكل الأنيقات هدي ثاني مشاركة لية و بغيت نشاطر معاكم واحد الوصفة كنت قريتها فواحد المنتدى وكانوا بزاف كيشكروا فيها و قلت علاش لا نجربها حتى أنا و الله العظيم حتى عجيبة أنا كان شعري خفيف و زغبة رقيقة كنت ديمة خاصني نقطعو قصير باش يبان و منين درت الزيف قلت نخليه يطوال وخا خفيف لكن منين آستعملت هد الخلطة بانت النتيجة من ثاني مرة إوا قيدو معايا:
*مقدار من السدر ( هو وراق النبق كاين عند العطار) تقريبا 10 دراهم طحنيه فمولينكس بلا متنقيه من الشوك و غربليه تيولي بحال الحنة وخزنيه فشي قرعة.
*زيت الخرواع تقريبا 2 معالق كبار. 
*زيت الزيتون نفس القياس.
*2 فصوص الثوم بالقشرة مقطعين على 2.
* بصلة متوسطة بالقشرة مقطعة على 4.
نآآآريييي البصلة و الثوم لا تيخليو الريحة......إوا لا مكاين لا ريحة لا والو تبعوا الطريقة؛
كتاخدي كاصرونة وديري فيها القدر ديال الماء ليخلط ليك على حساب طول الشعر ديري فيه الثوم و البصلة و تخليهم يغلاو حتى يولي اللون ديال الماء أصفر....فنفس الوقت خودي القدر ليكفيك من السدر المطحون 2 معالق كبار أو أكثر ديري معاهم الزيوت و صفي الثوم و البصل و خودي الماء هو لي تخلطي بيه بحال إلى كتخلطي الحنة ماتكون لا قاصحة و لا جارية شقي بها شعرك ف الليل و فصباح غسليه..ديريها 2 مرات في الأسبوع. و الله حتى غدي تشوفي الفرق من تاني إستعمال....إوا شجعوني وا دعو معايا يسهل ليا الله فحياتي الزوجية الجديدة و يجمعني أنا و زوجي قريبا و يعطيني شي رزق باش نسيفط الأم ديالي للحج..




التعليقات

صوت وصورة

copyright © 2016 جميع الحقوق محفوظة لـ عالم ربات البيوت المتميزات